Kulan Wadatashi iyo Aqoon –Isweedaarsi ah oo ay soo agaasintay Xarunta Heerka-Sare ee La-qabsiga Isbeddelka Cimilada iyo Ilaalinta Deegganka ee Urur Gobaleedka IGAD. (IGAD-CAEP), ayaa maanta ka qabsoomay magaalada Muqdisho, waxaana ka soo qeyb-galay hay’adaha dowladda Federaalka Soomaaliya, Ururada bulsahda Rayidka, Jaamacadaha iyo khubarada ka shaqeeyo Isbeddalka Cimilada.
Ujeeddada guud ee Aqoon-is-weydaarsigaan ayaa ah ka qaybgelka daneeyayaasha, khubarada farsamada, ka wada-hadlidda istaraatiijiyada la qabsiga Cimilada ee gobolka si waafaqsan heer Gobol ama Caalami ah iyo Siyaasadaha Qaran ee dawladaha xubnaha ka ah IGAD.
Waxaa kale oo wadatashigaan uu iftiiminayaa xeeladaha loogu talagalay in si wax-ku ool ah looga jawaabo khataraha isbeddelka Cimilada, Iyada oo diiradda la saaraayo wada-hadallada waxtarka u naqon doona Cimilada gobolka, si loo xoojiyo Istaraatiijiyadda la qabsiga Cimillada gobolka.
Agaasimaha Guud Ee Wasaaradda Deegaanka iyo Agaasimaha Wasaaradda Beeraha Xukuumadda Federaalka Soomaaliya,ayaa si wadajir ah u qeexay ahmiyadda ballaaran ee uu leeyahay wadatashiyga nuucaa ah,iyo in dadweynuhu kaallin xooggan ku yeeashaan Istaarajiyadda La-qabsiga Isbeddalka Cimilada heerka Gobal ah.
“Waxaan codadkooda siin doonnaa dadweynaha si ay qeyb uga noqdaan ilaalinta deegaanka heer gobal iyo Calami ah, sidoo kalana ay IGAD ku bogooaadinayaan dadaallada ay waddo ee ah ka hortagga ilaalinta xaalufinta deegaanka.” Ayuu yiri Agaasimaha Guud ee Wasaaradda Deegaanka Mudane Axmed Yuusuf Axmed
Dhanka kale, dadaallada ilaalinta ee dalalka ku midoobay IGAD ee kala ah; Djibouti, Eritrea, Ethiopia, Kenya, Somalia, Koonfurta Suudaan, Suudaan, iyo Uganda,ayaa hadafkooda koowood ee Xaruntu laga taageero u diyaargarowga La-qabsiga dhaqamada maaraynta deegaanka ee waara iyo xalalka la qabsiga ku haboon ee Isbadalka Cimallada gobolka.
“In la ballaariyo ka qeybgalka dadweynaha ee la dagaallanka xaalufinta deegaanka waa muhiim si loo kordhiyo wacyiga dadweynaha ee ilaalinta deegaanka, IGAD ayaa u taagan markastaba ilaalinta deegaanka, annaga waan ku garabtaagannahay”. Ayuu yiri Agaasimaha Wasaaradda Beeraha XFS Dr Maxamuud Maxamed Maxamuud
Agaasimaha Xarunta heerka-Sare ee La-qabsiga Isbadalka Cimilada iyo Ilaalinta Deegganka ee Urur gobaleedka IGAD. (IGAD-CAEP) Danjire Gamal Maxamed Xasan ayaa qeexay muhiimada ay leedahay Istaraatijiyadda La-qabsiga Isbadlaka Cimilada iyo mushkiladaha jira.
“Xalka mushkiladaha hadda jira ee ka dhashay isbeddelka cilmilada waa kuwo xal u baahan, sidoo kale waa in ay fahmaan dadkeennu saameynta cimilada, waxaan ku dadaali doonnaa in aan xal u helno mushkiladaha ka dhashay isbeddelka cimilada, annaaga oo garab iyo taageero ka helayna (IGAD-CAEP) oo waqtiga badan ku bixisa xal u helidda isbeddelka Cimilada”. Dr Cabdimajiid Nuunow Cabdi – Agaasimaha X. La-qabsiga Isbadalka Cimilada IGAD.
Urur gobaleedka IGAD oo ay ku midaysanyihiin Siddeed dal ayaa aaminsan in isbeddelka cimilada iyo xaalufinta deegaanka ay ka mid yihiin caqabadaha ugu daran ee gobolka geeska haysto, taa oo ay lagama-maarmaan u tahay in xal waara loo helo.
