Kulan looga arrinsanayay amniga Gobalka Mudug oo maanta lagu qabtay Gaalkacyo. Waxaa kasoo qeyb galay Mas’uuliyiin oo ay ka mid ahaaayeen, Ku-simaha Guddoomiyaha Gobalka Mudug ee Putland Xasan Wardheere,
Guddoomiye ku-xigeenka Gobalka mudug, ee Galmudug Axmed Maxamed Dhire Qoodaar, Duqa Dagmada Gaalkacyo Mudane Cabdiraxmaan Sheekh Xasan Jimcaale,Duqa Dagmada gaalkacyo ee Puntland injineer Maxamuud Cabdi Nuur Aadan, Taliyaha qaleybta Booliska Putland Gashaanle Sare Muumin Cabdi Shire,
Taliyaha saldhiga dagmada Gaalkacyo ee Galmudug dhamme Cali Xirsi Sahal iyo Saraakiil ka socatay Ciidanka Sirdoonka Qaranka NISA Qeybtooda Galmudug .
Ajandaha kulanka ayaa Amniga guud ee gobolka mudug iyo sidii labada maamul ay u sii xoojin lahaayeen olalaha la dagaalanka argagixisada, ka ganacsiga iyo isticmaalka maandooriyaasha.
Kulanka oo saacado qaatay ayaa markii uu soo idlaaday waxaa warbaahinta la hadlay Guddoomiye ku-xigeenka Gobalka Mudug ee puntand iyo Guddoomiye ku-xigeenka Gobalka ee Galmudug, kuwaas oo xusay in kulanka looga hadlay wixii ka qabsoomay qodabadii, kasoo baxay kulankaan kii ka horreeyay .
