Ra’iisul Wasaaraha Xafiiska ka sii tagaya ee Xukuumadda Federaalka Soomaaliya Mudane Maxamed Xuseen Rooble, ayaa uga mahadceliyay Golahiisa Wasiirrada iyo howl wadeennada Xafiiska Ra’iisul Wasaaraha sidii wanaagsaneyd oo ay ula shaqeeyeen iyo howlihii baaxadda lahaa oo ay dalka u soo qabteen.
Ra’iis Wasaare Rooble ayaa Wasiirrada u rajeeyay mustaqbal siyaasadeed wanaagsan, isagoo kula dardaarmay in ay qof waliba intii karaankiisa ah dalka ugu adeego.
Dhanka kale Xubnihii Golaha Wasiirrada ee kulanka ka hadlay ayaa Ra’iisul Wasaaraha uga mahadceliyay sidii uu u soo hoggaamiyay Kukuumadda iyo si gaar ah howlihii doorashooyinka dalka oo si guul iyo nabad ah ku soo dhamaaday.
Ra’isul Wasaaraha, ayaa Ugu dambeyn shahaadooyin guddoonsiiyay qaar ka mid ah howlwadeennada Xafiiska Ra’iisul Wasaaraha.
