Iskuulka Hoose Dhexe ee IFIYE oo ka mid ah iskuulada Degmada Balcad ayaa soo qaban qaabiyay munaasabadan oo lagu weyneynayay Waxbarashada, isla markaana lagu dhiirgelinaayay in waalidiinta ay carruurtooda geeyaan goobaha waxbarahada si loo yareeyo Jahliga, Isla markaana kor loogu qaado aqoonta dhallinta Soomaaliyeed.
Related posts
Waxaa kasoo qeybgalay Maamulka Degmad Balcad aqoonyahanno, Culumaa’udiin, waalidiin, Araday iyo qeybaha kala duwan ee bulshada, si loodhiiragaliyo isla markaana ay ugu daydaan ardayda kale waxaa lagu guddoonsiiyay xafladda abaalmarino ardayda kaalimaha hore ka galay Iskuulka.
Maamulaha Iskuulka IFIYE oo munaasbadda soo qaban-qaabiyay Macalin Fatxi Cabdirisaaq Maxamuud (Sunni) ayaa ku dhiigaliyay waalidiinta in ay carruurtooda waxbaraan oo ay geeyaan xarumaha waxbarashada dalka.
Cabdiqaadir Maxamed Cismaan (Jeesto) oo ka mid ah aqoonyanahada Soomaaliyeed ayaa tilmaamay in waxbarashadu ay tahay mid anfaceyso dhamaan bulshada Soomaaliyeed, loona baahanyahay in waalidiintu lagu dhiiri geliyo sidi ay carruurtooda u geeyn lahaayeen goobaha waxbarashada.
Guddoomiye ku-xigeenka Arrimaha Bulshada Maamulka Degmada Balcad Dr. Axmed Sheekh Xuseen oo munaasabada ka hadlay ayaa ku Waxbarashada ku tilmaamay mid muhiim ah, ayna dhiiri gelin doonaan barayaasha wax ka dhiga dugsiyada ku yaala degmada Balcad.
Waxbarashada ayaa ah mid muhiim ah bulshada, waxaana mudooyinkii dambe laga dareemaayay Degmada Balcad horumar dhanka Waxbarashada ah.
