Lataliyihii mudada dheer ee madaxweynihii hore maraykanka Donald Trump, Mr Stephen Bannon ayaa lagu soo oogay dacwad ah inuu diiday amar maxkamadeed oo ay sameeyeen guddiga gaarka ah ee Congress-ka ee baaraya weerarkii dhimashada dhaliyay ee ka dhacay 6-dii bishii Janaayo Capitol-ka Mareykanka.
Bannon ayaa lagu soo oogay laba dacwadood oo ku sabsan gabood fal iyo quursi, waaxda cadaaladda ayaa bayaan ay soo saartay Jimcihii ku sheegtay in Stephen Bannon uu diiday inuu soo saaro dukumentiyadii la weeydiiyay.
Xeer Ilaaliyaha Guud ee Washington Merrick Garland ayaa yiri: “Tan iyo maalintii ugu horeysay ee aan xafiiska qabto, waxaan u balan qaaday shaqaalaha waaxda cadaaladda in si wadajir ah aan u tusi doono shacabka Mareykanka Af iyo Adinba in waaxdu u hogaansanto sharciga, oo ay raacdo xaqiiqda, si cadaaladda loogu sinaado”.
Xeer-ilaaliyeyaasha federaalka ee Washington oo ka helay dacwadda xeer-beegtida ayaa tallaabadan ku sheegay in ay tahay mid sharciga muhiim u ah.
Waaxdda Cadaaladda Mareykanka ayaa ku dhaqaaqday intii uu xilka hayay Madaxweyne Joe Biden, dhowr talaabbo oo baaritaanno balaaran lagula sameynaayo dad horay dalka Mareykanka Xilal ugu soo qabtay.
