Xaflad ay soo qaban qaabiyeen Maamulka Cusub ee Goloha Degaanka Degmada Xudur ayaa maanta lagu qabtay isla magaalada Xudur, taasoo ayย kaย qeybgaleen Culimaaโudiin, Waxgarad, Haween, Dhalinyaro, Saraakiisha Booliska iyo Martisharaf kale.
Ujeeddada loo qabtey Xafladda ayaa waxay tahay in lagu dahfurayo Xafiisyada Xubnaha goloha degaanka ee degmada Xuddur oo dhowaan la dhisey.
Related posts
Waxa munaasabadda ka hadley gudddoomiyaha Degmada Xuudur Maxamed Macalin Axmed oo sheegey in laga billaabo maanta xafiisyadii degmada oo loogu adeegayo Bulshada ay furan yihiin wuxuuna bulshada ka codsadey in ay la shaqeeyaan isla markaasna ay diyaar u yihiin in lala xisaabtamo.
Taliyaha Ciidamadaย Booliska gaarka ah ee gobolka Bakool Korneyl Cabdulaahi Xasanย Cabdule “Qadaafi” oo munaasabadda ka Hadlay ayaa shacabka ku booriyay in ay si dhow ula shaqeeyaan laamaha amniga.
Bulshadii ka soo qeyb gashay munaasabadda ayaa soo dhoweeysay xafiisyada cusub waxayna ballan qaadeen in ay la shaqeynayaan maamulka cusub.
Guddoomiye ku xigeenka Gobolka Bakool ahna ku simaha guddoomiyaha Cabdulaahi Maxamed Nuurย oo gabagabadii xaflada soo xirey ayaa xubnaha xildhibaannada kula dardaarmey in aysan qabiil u shaqeynin wax kastana ay ka hormiriyaan horumarka dalka iyo dadka Soomaaliyeed.
Waa xafladdii ugu horeysey oo maamulka degmada Xuddur uu qabto tan iyo markii maamulkaan cusub la dhisey muddo hada laga joogo 16 maalmood.
