Dr Maxamuud Mashruuc Wasiiru-dowlohii hore Wasaaradda Batroolka iyo Khayraadka Macdanta ee Dowladda Federaalka Soomaaliya oo Bogaadin iyo Hambalyo u Diray Dowlad Goboleedka Waqooyi Bari Soomaaliya.
“Waxaan hambalyo iyo bogaadin u dirayaa shacabka Soomaaliyeed ee ku bahoobay Dawlad Goboleedka cusub ee Waqooyi Bari Soomaaliya. Waa tallaabo taariikhi ah oo ka tarjumaysa doonista shacabka deegaankaas, kuwaas oo muddo dheer la daalaa dhacayay xaalado adag oo ay ka mid yihiin horumar la’aan, matalaad la’aan siyaasadeed iyo muran dhuleed-siyaasadaysan oo muddo haystay”. Ayuu yiri Dr Maxamuud.
Dr Maxamuud ayaa hadalkiisa intaa ku daray “Dawlad gooboleedka cusub ee Waqooyi Bari waxa ay fursad u tahay dhismaha nidaam dawladnimo oo ku saleysan caddaalad, hufnaan iyo matalaad loo siman yahay. Waxa kale oo ay muhiim u tahay midnimada iyo wadajirka Jamhuuriyadda Federaalka Soomaaliya”.
“Waxaan adkaynaynaa in la soo dhoweeyo dhismaha Dowlad Goboleedka Waqooyi Bari, lana xurmeeyo rabitaanka iyo aayo-ka-tashiga shacabka deegaannadaas, waxaanna uu dowlad goboleedka Puntland usoo jeediyay inay garab istaagaan Walaalaha Maamulka dhistay, lagana wada shaqeeyo arrimaha amniga, dhaqaalaha iyo iskaashiga arrimaha bulshada”. Ayuu hadalkiisa ku soo gabagabeeyay Dr Maxamuud
