Maamulka Degmada Balcad ee gobalkan Shabeellaha dhexe ayaa kormeer howleed ku tegay meelaha uu fatahaadda ka geystay webia Shabeelle, si uu ugu kuurgalo saameynta fatahadaha ay ku yeesheen dalagyadii beeraha.
Tuulooyinka Xawaadleey iyo Jameeco oo hoosyimaada Degmada Balcad oo ah goobaha ay saameeyeen fatahaadaha waxaana uu wabiga ku fatahay beero ku yaalay Tuulooyinkaasi oo ku beernaa dalagyo kala duwan iyo guryo ay daganaayeen dadka ku dhaqan tuulooyinkaasi kuwaasi oo hada aan heeysan meel ay hooy ka dhigtaan.
Related posts
Dadka tuulooyinkoodi iyo beerahoodi ay saameeyeen biyaha webiga oo ku fatahay ayaa u sheegey masβuuliyiinti maamulka degmada in dhibaato ay ka soo gaartay fatahaadaha uu sameeyey webiga Shabeele ugana waramay xaaladooda.
Gudoomiyaha tuulada Xawaadley Cabdulle Macaan Adeerow ayaa sheegay in tuulada Jameeco ay ka barakaceen in kabadan labakun oo Qoys, wuxuna baaq u diray Dowladda Faderaalka Soomaaliya iyo Hayβadaha gar gaarbixiya.
βDhibaatada ka dhacday Tulooyinka waxaa koow ka ah Xaafadan Jameeco oo ka barakacay labo kun oo qoys marka, waxa ay u baahan yihiin dadkani gar gaar inΒ la la soo gaaroβ ayuu yiri Cabdullaahi.
Guddoomiyaha degmadda Balcad Maxamuud Maxamed Maxamuud Saneey oo arrimahasi ka hadlayay ayaa codsaday in laga caawiyo bulshada dhibaatooyinka fatahaada.
βWaxaan cod saneeynaa in dadka samafal loosameeyo haddii ay tahay dowladda, hadii ay tahay dhinaca hayβadaha deeqaha bixiya iyo cidkasta oo wanaaga wax ku baxsaneeysaβayuu yiri Guddoomiyaha.
In tabadan fatahaadaha uu sameeyo webiga Shabeelle ayaa saameeya dalagyada beeraha, taasi oo dhibaato ku ah nolosha dadka beeralayda, ayadoo dadkan laga dheehan karay wejiyohooda sida ay uga murugoonayaan dhiaatooyinka biyuhu ay geysteen.
