Guddoomiye Ku-xigeenka Maamulka iyo Maaliyadda ee Gobolka Banaadir Mudane Ciise Guure ayaa ka qeyb galay shir sannadle ah oo ay soo qaban-qaabisay Wasaaradda Maaliyadda oo lagu lafa-guraayey arrimaha mudnaanta u leh dhaqaalaha iyo Maaliyadda Soomaaliyeed 2023.
Guddoomiyaha ayaa madasha ka caddeeyey qorshayaasha hor-tabinta leh oo uu ka mid yahay hirgalinta nidaamka PFM kaas oo Gobolka Benaadir u horseedayo daah-furnaan maaliyadeed.
Madasha oo ay fadhiyeen hogaanka sare ee Wasaaradda Maaliyadda, xubno ka tirsan labada gole ee Baarlamaanka Federaalka iyo aqoonyahanno Soomaaliyeed waxa aan la wadaagay in Gobolka Benaadir uu shaacin doono maalmaha soo socda miisaaniyadda sannadka 2023 oo gaareysa 46 million.
Sidoo kale waxa uu faahfaahin ka bixiyey ahmiyadda ay u leedahay Gobolka Benaadir in kor loo qaado dhakhliga soo gala sababta oo ah dhakhli laa’aani waa adeeg la’aan.
Ugu danbeyntii waxa uu tilmaamay in ay muhiim u tahay Gobolka in uu wadashaqeyn dhow la yeesho Wasaaradda Maaliyadda, Bandhiga Dhexe iyo Guddiga Dhaqaalaha Qaranka si kor loogu qaado xirfadda shaqaalaha Gobolka, gaar ahaan xafiiska Maaliyadda.
