Agaasimaha siyaasadda ee gobolka Banaadir Cali Xasan Taakow, oo la hadlay Radio Muqdisho ayaa tilmaamay inay meel wanaagsan mareyso hirgelinta barnaamijka direseynta, isla markaana guud ahaan ay ka socdaan degmooyinka gobolka.
Agaasimaha ayaa xusay in shaqaale arrinta diriseynta loo tababbaray ay howsha gacanta ku hayaan, waxaana uu intaa ku daray in nidaamka dariseynta loogu talagalay in maamulka hoos loo dajiyo oo la gaarsiiyo tabeelo.
Cali Xasan Taakow, Agaasimaha Siyaasada ee gobolka banaadir ayaa hoosta ka xariiqay in nidaamka dariseynta ay qeyb weyn ka qaadan karto amniga, isla markaana ay meel fiican mareyso, iyadoo degmadii ku guuleysata la siin doono abaal marin.
