Gudoomiyaha maamulka gobolka Sh/Hoose ee dowladda Soomaaliya mudane Ibraahim Aadan Cali (Najax) oo lahadlay warbaahinta Qaranka ayaa sheegay in taliska ciidanka Xooga Dalka uu kala hadlay sidii loo qaadi lahaa jidgooyooyin yaala inta u dhaxeysa Wanla weyn iyo degmada Afgooye oo katirsan gobolka Sh/Hoose.
Gudoomiyaha ayaa sheegay in abaanduulaha ciidanka xooga dalka iyo saraakiisha ciidamada ee qaabilsan gobolka Sh/Hoose ay isla qaateen in laga shaqeeyo sidii loo qaadi lahaa jidgooyooyinkaasi oo cabasho ay ka muujiyeen gaadiidleyda ka howl gala gobolkaasi.
Dhawaan gaadiidleyda ka howl gala inta u dhaxeysa Wanla weyn iyo Afgooye ayaa sameeyey shaqo joojin ay kaga cabanayeen jidgooyooyinkaasi iyadoo maamulka gobolka uu u balan qaaday gaadiidleyda wax ka qabashada cabashada ay qabaan.
