Wasaaradda arrimaha gudaha maamulka Koonfur Galbeed ayaa ka warbixisay weerar xalay lagu dilay guddoomiye ku xigeenkii maamulka iyo Maaliyadda degmada Walaweyn, Maxamed C/laahi Koosto.
Wasiirka arrimaha gudaha & dib u heshiisiinta dowlad gobolka Koonfur Galbeed Maxamed Abuukar Cabdi oo la hadlay warbaahinta ayaa ka tacsiyeeyey geerida ku timid marxuumka oo lagu dilay bam gacmeed lagu weeraray gurigiis, wuxana marxuumka Alle uga baryey inuu ka waraabiyo Janadiisa Firdowso.
Weerarka ayaa waxaa sidoo kale ku dhaawacmay marxuumka Aabihiis iyo sidoo kale xaaskiisa oo haatan loo soo qaaday magaalada Muqdisho.
Dhanka kale guddoomiyaha gobolka Shabeelaha Hoose, Ibraahim Aadan Cali Najax ayaa ka hadlay weerarkaasi oo markii hore uu dhaawac ka soo gaaray guddoomiye ku xigeenkii maamulka iyo Maaliyadda degmada Walanweyn, balse markii dambe u geeriyooday
