Koox hubeysan ayaa xalay macallin dugsi ku dilay degmada Beledweyne ee xarunta gobolka Hiiraan.
Saraakiisha ammaanka ayaa xaqiijiyay in Macalin Cilmi Cabdi Xasan, oo ka mid ahaa bareyaasha Qurβaanka ee magaallada ay toogteen koox dhalllinyaro ah, ayadoo ay ciidamadu ku daba jiraan kuwa dilka geystay.
Subaxnimadii hore ee saakay ayay ciidamadu baaritaano ka sameeyeen xaafadda Xaawo Taako oo ah halka uu dilku ka dhacay.
Wariyaha Radio Muqdisho ee Beledweyne, Cabdishakuur Cismaan Cali ayaa ku soo warramaya in saakay marxuumka lagu aasi doono magaalada Beledweyne.
Bishii hore Xaaji Cismaan Qooroow oo ganacsade ahaa isla markaana odayaasha dhaqanka ka tirsanaa ayaa lagu dilay xaafadda Howl-Wadaag. Dadka degaanka ayaa cambaareeyay dilka loo geysanayo dadka bulshada wax-galka u ah ee gobolka Hiiraan.
