Kullan Aqoon Isweedaarsi ah oo ay soo qaban qaabisay Urur gobaleedka IGAD, Xarunteeda Cimilada Icpac, oo ku qabsoomay Aalada fogaan arraga ayaa waxaa ka qeyb galay qaar ka mid ah Agaasimiyaasha dowlada federaalka ah Soomaaliya,Agaasimaha Icpac, kooxda ka shaqeyso Saadasha hawada ee Soomaaliya (SIMMWG), hay’adda Caalamiga ah ee Car, xubna ka socda hay’addaha ku howalan arrimaha Isbadalka Cimilada Gobalka iyo kuwa caaalami ah.
Madasha Isbadalka Cimilada ee Qaranka (NCOF) ayaa socon doonto 3-da ilaa 4-da Maarso 2021, Iyada oo furitaanka uu hadal kooban ka jeediyay Agaasimha Icpac Guuled Cartan oo sharaxay madasha oo sannadka gudahiisa la qabto saddex xilli ama saddex mar oo muhiim u ah dalalka geeska Africa iyada oo la wanaajinaayo kor u qaadista, fahamka iyo adeegsiga saadaashaas, isla amrkaana tilmaayay in Soomaaliya ay si xoogg badan ay kala shaqeeyn talaaboyinka muhiimka ah.
Kulankan waxaa loo abaabulay inuu qabto NCOF saadaasha xilliga Maarso – May 2021 taasoo hagaysa wax soo saarka cimilada iyo saadaasha cimilada si loogu daro dhammaan arrimaha khuseeya isticmaalayaasha saadaasha iyada oo la wanaajinaayo kor u qaadista, fahamka iyo adeegsiga saadaashaas,
Sidoo kale Madasha Isbadalka Cimilada ee Qaranka (NCOF) waxaa warbxin looga dhageystay Isku duwiyaasha Madasha ee Soomaaliya ee Wasaaradaha dowlada federaalka ah Soomaaliya ee kala ah Wasaaradda Tamaata iyo Biyaha, Wasaaradda Gargaarka iyo Maareynta Masiibooyinka, Wasaaradda Beeraha, Wasaaradda Xanaalada, Xoolaha iyo dhirta daaqa iyo Wasaaradda Caafimaadka, waxa ayna soo bandhigeen saameynta roobabkii da’ay iyo hanaanka looga faa’iideystay billaha Oktobar, Nofebar, iyo Diseebar 2020, iyada oo la dul istaagay Duufaantii GHATI qasaarahii ka dhashay iyo tallaaboyinka wax-ku-oolka ah ee laga gaaray Arrimaha Fathaada iyo Abaarta koonfurta iyo Bartamaha Soomaaliya.
Madasha Isbadalka Cimilada ee Qaranka (NCOF) ayaa wali socoto waxaa la filayaa in maalinta berri ah laga soo saaro war-saxaafadeed.
