Madaxweynaha la doortay ee Joe Biden ayaa loo dhaariyay inuu noqdo Madaxweynihii 46-aad ee dalka Maraykanka.
Joe Biden ayaa xilka la wareegaya iyadoo cudurka karoona fara ba’an ku hayo Maraykanka sidoo kalena ay jirto kala qaybsanaan shacab oo ka dhalatay siyaasaddii Donald a Trump.
Madaxwaynihii hore Donald Trump ayaa isaga tegay goor hore Aqalka Cad, isagoo iska diiday inuu ka qayb galo caleema saarka Madaxweynaha cusub.
Joe Biden ayaa laga sugayaa inuu xalliyo kala qaybsanaanta dalka ka jirta iyo cudurka safmareenka ah ee COVID-19, waxaana uu khudbadiisa ku laban qaaday in uu ka shaqeynayo midnimada shacabka Mareykanka.
Sidoo kale waxaa iyana loo dhaariyay Madaxweyne ku-xigeenka Mareykanka Kamala Harris.
