Madaxweynaha Dowlad Goboleedka Hir Shabeelle mudane Calli Gudlaawe Xuseen, ayaa maanta hoyga uu ka degan yahay Magaalada Muqdisho ku qaabilay Madaxa Xafiiska Ururka Iskaashiga Islaamka ee Soomaaliya.
Madaxweynaha iyo Ambassador Maxamed Bomba Maxamed, ayaa ka wada hadlay xaaladaha guud ee Hir shabeelle iyo sidii Ururka Iskaashiga Islaamka uu u sii dardar gelin lahaa howlaha uu haatan ka wado dalka gaar ahaan shaqooyinka uu ka hayo qeybo kamid ah deeganada Hir Shabeelle.
Sidoo kale kulankaan ayaa looga hadlay fulinta mashaariicyo muhiim u ah bulshada oo isugu jira qodista Ceelal biyood, hirgalinta Iskuulo waxbarasho iyo sidii kaalin ay uga qaadan lahaayeen xal u helida fatahaadaha soo noqnoqday ee Wabiga Shabeelle.
