Madaxweynaha Galmudug mudane Axmed Cabdi Kaariye oo maalmahan ku sugnaa Degmada Xarardheere ee gobolka Mudug ayaa kormeer ku tagay fariisamaha Ciidanka Xoogga Dalka iyo kuwa Daraawiishta Galmudug ee ku sugan deegaano hoostaga Degmadaas.
Booqashada madaxweynaha ayaa waxaa ku wehliyo Wasiirka Gaashaandhiga Xuukumadda Federaalka ah ee Soomaaliya iyo xildhibaano ka tirsan Baarlamaanka Soomaaliya.
Madaxweynaha ayaa ciidamada qalabka sida ku bogaadiyay guulaha ay ka gaareen howlgalada lagu ciribtirayo Kooxda Khawaarijta ah.
