Madaxweynaha Dowladda Hirshabeelle Mudane Cali Guudlaawe Xuseen iyo Wafdi uu hoggaaminaayo oo maanta soo gaaray Magaalada Baledweyne, ayaa si diiran loogu soo dhoweeyay Garoon diyaaradaha ee Ugaas Khaliif.
Madaxweynaha iyo Wafdigiisa oo ka koobnaa Wasiiro iyo Mas’uuliyiin kale waxaa garoonka diyaaradaha ee Ugaas Khaliif kusoo dhoweeyay Guddoomiyaha Maamulka Gobolka Hiiraan, iyo Ku-xigeenkiisa, Maamulka degmada Beledweyne, Saraakiisha Hay’adaha amniga, Saraakiisha Ciidamada Hiilwalaal, iyo qeybaha kala duwan ee Bulshada.
Madaxweynaha, ayaa ugu horreyn u mahadceliyay Masuuliyiinta iyo bulshadii kusoo dhoweeysay Magaalada Beledweyne waxa uuna ka mahadceliyay guulaha laga gaaray dagaalada lagula jiro khawaarijta,isagoo adkeeyay in la dardargalin doono wajiga 2aad ee Howlgalada.
