Muqdisho, 08 December 2016 – Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa ka tacsiyeeyey geeridii ku timid Marxuum Jeneral Maxamud Maxamed Guled oo ku geeriyooday magaalada Nairobi ee dalka Kenya.
Madaxweynaha ayaa tacsi u direy qoyskii, eheladii iyo shacabka Soomaaliyeed ee uu ka geeriyooday Allaha u naxariistee Marxuum Jeneral Maxamud Maxamed Guled oo ahaa Guddoomiyaha Shirkada Somali Airlines, ahaana sarkaal ciidanka XDS oo waddanka u soo shaqeeyey, waddani ah oo howlkarnimo u sii dheertahay.
Madaxweye Xasan Sheikh Maxamud ayaa yiri “Innaa Lillaahi Wa Innaa Illeyhi Raajicuun Allaha u naxariisto Jeneral Maxamud Maxamed Guled oo ahaa Guddoomiyihii Shirkadii Somali Airlines. Marxuum Jeneral Maxamud Maxamed Guled samir iyo Iimaan Allaha naga wada siiyo, Jannadii Firdowsana Allaha ka waraabiyo. AAMIIN.”
Ugu dambeyntii, Madaxweynaha ayaa sheegay in Marxuum Jeneral Maxamud Maxamed Guled uu ahaa shaqsi jecel wadankiisa. Madaxweynaha ayaa sidoo kale sheegay in Jeneral Maxamud Maxamed Guled uu ahaa Saraakiishii Ciidanka XDS oo nidaamka dowladnimada ee Soomaaliya kaalin fiican ka soo qaatay.
—Dhammaad–
Shador Haji
Agaasimaha Warfaafinta
Madaxtooyada Soomaaliya
E-mail: [email protected]
www.villasomalia.gov.so
