Madaxweynaha Turkiga Recep Tayyip Erdogan iyo Amiirka Qatar, Sheekh Tamiim bin Xamad Al Thaani, ayaa Isniintii Shalay kawada hadlay xasuuqa Isra’iil ay ku hayso Shacabka Falastiin iyo xaaladihii ugu dambeeyay ee magaalada Qaza.
Labada hoggaamiye ayaa si qota dheer ugu wadahadlay xaaladihii ugu dambeeyay xasuuqa Israa’iil ay ka waddo magaalada Qaza, dadaalladii lagu doonayay xabbad-joojinta iyo tillaabooyinka la qaadi karo si gargaarka bini’aadannimo loo gaarsiiyo Shacabka Qaza, sida lagu sheegay bayaan ka soo baxay Madaxtooyada Turkiga.
Intii uu socday kulankan, Erdogan ayaa carrabka ku adkeeyay baahida loo qabo in Isra’iil lagula xisaabtamo dembiyada dagaal ee ay ka geysatay Falastiin, isagoo intaa ku daray in Turkiga ay sii wadayaan dadaallada ay ku gaarsiinayaan Qaza gargaar bini’aadannimo oo ku filan.
