Waraka aan helaayo Afghanistan waxay sheegayaan in madaxweyne Ashraf Ghani uu isaga cararay dalkiisa, kadib markii kooxda Taliban ay maanta gudaha u gashay caasimadda Kabul.
Sida laga soo xigtay saraakiil ka tirsan dowladda Afghanistaan Madaxweyne Ashraf Ghani iyo ku xigeenkiisa Amrullah Saleh isaga baxay dalka oo intiisa badan ay la wareegtay kooxdu.
Related posts
Madaxweyne Ghani ayaa waayihii dambe la kulmaayay cadaadis ah inuu iska casilo xilka madaxtinimada, maadaama magaalooyinka waaweyn ee ku hareereysan caasimadda Afgaanistaan ay gacanta u galeen mintidiinta Taliban.
Sidoo kale kumanaan qof ayaa saacadihii u dambeeyey isaga cararay dalkaas kuwaas oo ka gudbay xaduudaha dalalka deriska la ah Afgaanistaan, waxayna dadkaas ka baxsanayaan kuxunka kooxda Taliban oo dagaalyahanadeedu ay hadda ku sii siqayaan caasimadda Kabul.
Laba sarkaal ayaa wakaaladda wararka AP u xaqiijiyey in madaxweyne Ghani uu dalka ka duulay. Sidoo kale Abudllah Abdullah oo ah madaxa Golaha Qaran ee Dib u Heshiisiinta Afghanistan ayaa sidoo kale xaqiijiyey in Ghani uu dalka ka baxay.
โMadaxweynihii hore ee Afghanistan waa uu ka tegay Afghanistan, wuxuuna dalka uga tegay xaalad adag,โ ayuu yiri Abdullah Abdullahi. โAllah ayaa la xisaabtami doona.โ
Wararka ayaa sheegaya inuu gaaray dalka deriska ah ee Tajikastan. Taliban ayaa maanta hareereysay magaalada caasimadda ah ee Kabul, waxayna dowladda ka dalbatay inay si nabad ah xukunka ugu soo wareejiso.
Afhayeenka Taliban Suhail Shaheen ayaa u sheegay taleefishinka Al-Jazeera inay sugayaan โIn si nabdoon loogu soo wareejiyo magaalada Kabul.โ Waxa uu diiday inuu faah-faahin ka bixiyo wada-xaajoodyada ay kula jiraan dowladda.
Si kastaba, Shaheen ayaa sheegay inay doonayaan in si shuruud laโaan ah loogu wareejiyo xukunka dalka. Macadda xilliga ay wareejintaas dhici doonto.
Dr. Xuseen Yoonis Xasan oo ah sarkaal sare oo Soomaali ah, kana tirsan Qaramada Midoobey, ayaa u waramay Radio Muqdisho, isagoo ku sugan magaalada Kabul.
Hoos ka dhageyso wareysiga
https://www.facebook.com/watch/?extid=WA-UNK-UNK-UNK-IOS_GK0T-GK1C&v=1254705791625113
