Madaxweynaha Dowlad Goboleedka Hirshabeelle Mudane Cali Guudlaawe Xuseen ayaa maanta shir guddoomiyay kulanka todobaad laha ee Golaha Wasiirada Dowlad Goboleedka Hirshabeelle.
Madaxweynaha ayaa Shirka Golaha Xukuumadda warbixin uga dhagaystay Wasiirada Wasaaradaha Kallkuumeysiga, Waxbarashada, Xanaanada Xoolaha iyo Shaqada iyo Shaqaalaha, iyagoo Madaxweynaha la wadaagay wixii u qabsoomay sedexdii bilood ee lasoo dhaafay.
Wasiirka Wasaarada Gargaarka iyo Maareynta Musiibooyinka ayaa golaha wasiirada la wadaagay baaxada abaaraha ee ku dhuftay deegaanada Hirshabeelle, iyo saameynta ay gaysteen.
Wasiirka Wasaarada Amniga Gudaha ayaa shirka golaha xukuumada horgeeyay Sharciga Ciidanka Booliiska Dowladda Hirshabeelle, waxayna golaha ka doodi doonaan kulanka xiga ee Golaha Xukuumadda.
Ugu dambeyn Madaxweynaha ayaa uga mahadceliyay xubnaha golaha wasiirada dadaalka ay wadaan iyo shaqada adag ee dowlada u hayaan
