Madaxweyne ku-xigeenka Dowlad Goboleedka Galmudug Mudane Cali Daahir Ciid ayaa maanta safar shaqo ku yimid magaalada Muqdisho, waana socdaalkiisa ugu horeeyay ee uu ku yimaado Caasimadda tan iyo markii xilkan loo doortay.
Madaxweyne ku-xigeenka Galmudug ayaa si diiran loogu soo dhaweeyay Garoonka diyaaradaha Aaden Cadde ee magaalada Muqdisho, waxaana soo dhaweyntiisa ka qeyb qaatay mas’uuliyiin ka tirsan labadda Golle ee Dowladda Federaalka Soomaaliya, Xildhibaano Galmudug ka tirsan iyo Guddoomiye ku-xigeenka Amniga iyo siyaasadda Maamulka Gobolka Banaadir Mudane Maxamed Cabdullaahi Tuulax.
