Madaxweyne Ku-xigeenka Dowladda Puntland Mudane Axmed Cilmi Cismaan Karaash, ayaa Daah-furay Shirka dibu-eegista Mashruuca JPLG iyo Qorshaha Sanadka 2023.
Kulanka oo soconaayo muddo Laba Maalmood ah, ayaa looga hadlayaa guulaha la taaban karo ee laga gaaray Mashruuca Horumarinta degmooyinka Puntland ee (JPLG,) wejigiisa Saddexaad, Caqabadaha jiray iyo Qorshaha wejiga xiga ee mashruuca.
Shirka oo uu soo qaban-qaabiyey Xafiiska Maamul baahinta Puntland waxa kasoo qayb galay Wasiirada Wasaaradaha bahwadaagta la ah Mashruuca, Guddoomiyayaasha degmooyinka mashruucu ka socdo, Hay’addaha taageera Maamul baahinta iyo Mas’uuliyiin kale.
