Madaxweynihii hore ee Soomaaliya Shariif Sheekh Axmed ayaa sheegay in uu rajo wanaagsan ka qabo qabsoomidda shirka 20-ka bishan lagu balansanyahay ee looga hadlayo dhameystirka heshiiskii 17 September, si dalka ay uga dhacdo doorasho lagu wada qanacsanyahay.
โWaxaan rajeynayaa kulanka 20ka bishan loo madlan yahay, kaas oo looga hadlayo dhamaystirka heshiiskii doorasho ee 17 September inuu noqdo mid mira dhal ah oo guulaysta si dalku u galo marxalad doorasho oo nabdoon, raallina laga wada yahay, taasoo fure u noqon doonta in lagu qanco natiijada Doorashadaโ.ayuu yiri Shariif Sheekh Axmed.
Madaxweynihii hore ee Soomaaliya ayaa xusay in uu kalsooni buuxdo ku qabo dadaallada uu wado Raโiisul Wasaaraha dalka Mudane Maxamed Xuseen Rooble ee ku aadan hanaanka doorashooyinka dalka.
โWaxaan sidoo kale kalsooni buuxda ku qabaa dadaalada socda ee xal u helidda arrimaha Doorashooyinka ee uu hormuudka ka yahay Raโiisul Wasaare Maxamed Xuseen Rooble, anigoo aaminsan in Raโiisul Wasaaraha lasiiyo fursad uu ku guto masโuuliyadda weyn ee laga sugayo ee ah qabashada doorasho xor iyo xalaal ahโ. Ayuu hadalkiisa ku daray Mudane Shariif Sheekh Axmed.
