Waxaa maanta Magaalada Gaalkacyo lagu qabtay isku soo bax-weyn oo lagu maamusayay munaasabada dhalashada Nabigeenii Muxamed NNKH, kaas oo ay ka qeybgaleen kumanaan dadweyna ah iyo mas’uuliyiin ka tirsan maamulada, Xildhibaannoda puntland iyo Galmudug.
Isku soo baxa maanta lagu weyneynayay Munaasabada Xuska dhalashada Nabigeenii Muxamed NNKH ee lagu qabtay Gaalkacyo,ayaa aheyd mid muujineysay isku duubnida Bulshada Ku nool Magaalada Gaalkacyo, iyo in isbadal dhanka Amniga ah.
Waxaa sidoo kale isku soo baxa qeyb ka ahaa Carruurta, haweenka, waxgaradka, dhallinyarada, Culimadda, Dariiqada Suufiyada ee Ahlu Sunna Waljameeca. kuwaas oo hormuud u ahaa xaflada sida weyn uga qabsoontay Magaalada Gaalkacyo.
Duqa Dagmada Gaalkacyo Cabdiraxmaan Sheekh Xasan oo ku hadlayay magaca Maayarada degmada ee Puntland iyo Galmudug, oo ka hadlay madasha ” Waa wax weyn inaan muujino jeclaanta Nabigeena Muxamed NNKH.Waxaan kala dardaarmi shacabka Magaalada Gaalkacyo in laga wada shaqeeyo adkeynta Amniga iyo olalaha la dagaalanka Argagixisada, haddii aan, idinka ahaan laheyn,Marne suurta gal manoqoteen,In sinabad ah loo cibaadeeysto nolal iyo horumar kalane lama heleen”. AYUU YIRI Duqa Dagmada Gaalkacyo Cabdiraxmaan Sheekh Xasan.
Xildhibaan Bashiir Sheekh Axmed Cawaale oo ka mida mudanayaasha Baarlamaanka Dowlada Gobaleed Galmudug,Oo ka hadlay Munaasabadda ” Waxaan idinkugu bishareynayaa inay jabeen Argagixisada loona baahan yahay in la isa sii raaciyo” Ayuu yiri Xildhibaan Bashiir Sheekh Axmed Cawaale
Ugu dambeyn Qaar ka mida Culumaddii madasha ka hadlay,ayaa si isku mid ah uga hadlay inay diyaar u yihiin Xorreynta Dalka ee laga xurraynaayo Kooxaha Argagixisada.
