RADIO MUQDISH: Ciidamada Maraykanku ayaa gantaallo culus ku garaacay xarumaha Nukliyeerka Iran ee Fordow, Natanz iyo Isfahan ,iyadoo madaxweynaha Mareykankana uu ka digay in Iran ay ku dhaqaaqdo tallaabooyin aargoosi ah.
Madaxweyne Donald Trump oo ka hadlay duqeynaha loo geystay Iran ayaa yiri “Xusuusnaada haddii aad qaadaan ficillo aargoosi ah waxaa haray bartilmaameedyo badan.”
Wasiirka arrimaha dibadda Iran ayaa sheegay in weerarrada Maraykanku ku qaaday “goobaha nukliyeerka ee nabadda ay ka dhalan doonaan cawaaqib xumo weligeed ah.
Ra’iisul wasaaraha Israa’iil Benjamin Netanyahu ayaa ammaanay go’aanka Trump uuu ku weeraray Iran,waxaana dhinaca kale ilaalada goobaha Niyuklerka ay shegayaan in aysan jirin warbixino ku saabsan kor u kaca heerarka shucaaca tamarta ,ka dib weeraradii Mareykanka ee lagu bartilmaameedsaday goobahaasi.
Iran ayaa sheegtay in tirade dhimasha ay haatan gaareyso 400 oo qof ,halka dadka dhaawaca ahna lagu sheegay 3,056 tan iyo markii Israa’iil ay bilowday weerarka June 13.
