Xukuumadda Washington ayaa markale ku celisay in dalka Pakistaan laga jarayo dhammaan kaalmada dhaqaale ee dhanka ammaanka ee uu dalkaasi siinjiray Mareykanka,kadib markii lagu eedeeyey Pakistaan in ay wax ka qabato falalka argagixisada la xiriira.
War ka soo baxay wasaaradda arrimaha dibadda ee Dalka Mareykanka ayaa lagu sheegay in ay xayiraaddaasi sii jiri doonto ilaa iyo inta xukuumadda Islamabad ay tallaabo ka qaadeyso kooxaha Haqqani iyo Taalibaanka Afqaanistaan.
Dowladda Mareykanka oo durba bilowday xayiraadda dhaqaalahaasi,waxaana haatan la hakiyay kaalmo milatari oo uu Pakistan siin lahaa oo ka badan 255 milyan oo doolar.
Wasaaradda arrimaha dibadda ee Mareykanka ayaa Shalay oo khamiis ahayd waxa ay dalka Pakistan ku dartay liis waddamo khaas ah oo ay eegeyso, kuwaasi oo ay ku eedeysay in ay si xun ugu xad-gudbayaan xorriyaddaqowlka.
Madaxweynaha Mareykanka Donald Trump ayaa Kal hore Pakisttan ku eedeeyay in ay khiyaaneyso dalkiisa ilsa markaana ay ka qaadaneyso balaayiin doolar oo kaalma ah,iyadoo Pakistaana ay arrintaasi beenisay.
Mowqifka Mareykanka uu ka qaatay Pakistan ayaa waxaa aad u soo dhaweeyay waddamada India iyo Afqaanistaan, balse Shiinaha oo tobanaan bilyan oo doolar ku maalgashanaya dalkaasi Pakistan ayaa ku gacan seyray,qorshahaasi.
Afhaeenad u hadashey waaxda arrimaha dibadda ee dowladda Mareykanka oo go’aankaasi shaacisay ayaa sheegtay in dowladda Mareykanka ay tixgelisay dhibaatada ay geysanayaan kooxda Taalibaanka Afqaanistaan iyo shabakadda Haqqaani, kuwaasi oo ay sheegtay in ay xasillooni darro ka abuurayaan gobolka isla markaana ay bartilmaameedsanayaan ciidamada Mareykanka.
Waxaa Kooxdan ay xiriir dhow la leedahay kooxda Taalibaan oo halis weyn ku ah dowladda Afqaanistaan isla markaana dhowr jeer ku hanjabtay in ay xasillooni darro ka abuuri doonto Pakistan.
Pakistan ayaa ciidamada caalamiga ah u ogolaatay in ay sahayda u soo marto dhulkeeda xilligii dagaalkii Afqaanistaan waxaana reer galbeedka ay ka caawisay la dagaalanka kooxaha sida Al-Qaacidda balse hadda waxaa lagu eedeeyaa in kooxahaasi gabbaad siineyso.
Hadii Dowladda Mareykanka ay go’aankaasi qaadato ayaa waxaa meesha ka baxaya xiriirkii ka dhexeyay wadamada Pakistaan iyo Mareykanka oo in muddo ah soo ahaa xulifo soo jireen ah.
