Maryan Maxamed Aadan Shaacir oo ka mid ah Jaaliyadda Soomaaliyeed ee dalka Canada isla markaana la hadleysay Radio Muqdisho ayaa sheegtay in Jaaliyadda Soomaaliyeed ee wadanka Canada ay si weyn isugu soo baxeen magaalooyinka waa weyn ee dalkaasi.
Maryan Shaacir ayaa tilmaamtay in shacabka Soomaaliyeed meelkasta oo ay joogaan ay muujiyeen dareen farxadeed, ayna ugu hambalyaynayaan Madaxweynaha cusub xilka culus ee loo doortay, waxaana ay xustay inay garabtaaganyihiin dowladda cusub, ayna la shaqeynayaan.
Related posts
“Waxaan isugu soo baxnay magaalada Ottawa oo aan deganahay, runtii lama qiyaasi karo Soomaalida isugu soo baxday magaalada, waxaana taasi muujineysaa sida shacabka Soomaaliyeed meelkasta oo ay joogaan u taageersanyihiin Madaxweynaha la doortay Mudane Maxamed Cabdullaahi Maxamed Farmaajo” ayay tiri Maryan Shaacir.
Maryan Maxamed Aadan Shaacir oo ka mid ah Jaaliyadda Soomaaliyeed ee dalka Canada ayaa shaacisay in isu bax kale oo ay ku taageerayaan Madaxweynaha cusub lagu qaban doono magaalada Toronto, iyadoo bulshada ugu baaqday inay garab istaagaan walaalahood ay abaartu saameysay.
Maryan Shaacir ayaa dhanka kale hambalyo iyo bogaadin u dirtay Xildhibaan Cabdullaahi Maxamed Aadan Shaacir oo dhawaan lagu soo doortay magaalada Kismaayo ee xarunta KMG u ah dowlad goboleedka Jubbaland.
Halkan ka Dhageyso Wareysiga oo dhameystiran
