Tobaneeyo Gaadiidka waa weyn ee Cagafcagafyada ah ayaa waxay ka gudbeen Marinka Rafax, si ay gacan uga haystaan Dib udhiska dhismooyinkii ku burburay dagaalkii Falastiiniyiinta iyo Israa’iil ku dhex maray magaalada Qasa.
Injineero iyo shaqaale dhismo oo ka socda Dalka Masar ayaa gaaray Qasa, si ay u dejiyaan Naqshadaha dib udhiska ee dhismayaasha ay Diyaaradaha Dagaalka Israa’iil ay baabi’iyeen.
Kolonyo Gadiidka Dhismaha ah oo uu Calanka Masaarida ka dul babanayo ayaa ka gudbay Rafax, si ay u bilaabaan dib u dhiska magaalada Qasa iyo Guud ahaan Deegaanada Marinka Qasa ee uu sameeyay burburka baahsan oo ay u geysteen Ciidamada Israa’iil.
Shirkadda Dhismaha ee Milliteriga Masaarida ayaana la siiyey Qandaraadka dib udhiskaasi Qasa, iyadoo Madaxweyne CbdulFataax Al-sissi, uu 5-million oo Dollar ugu deeqaday Dib u dhiska magaalada Qasa.
