Xoghayaha joogtada Wasaaradda arrimaha dibadda oo magaalada Juba ee dalka koofurta Sudan kula kulmay 102 oo laga soo samata-bixiyay dagaalka Sudan ka socda.
Xoghayaha joogtada ee Wasaaradda arrimaha dibadda Mudane Xamse Aadan Xaadow oo uu wahliyo safiirka Jamhuuriyadda Federaalka Soomaaliya u fadhiya dalka koofurta Sudan Danjire Cabdixakiin Cabdullaahi Cumar ( Cameey ) iyo Guddoomiyaha Jaaliyadda Soomaaliyeed ee dalka Koofurta Sudan Mudane Saciid Jaamac,ayaa kulan kula qaatay ilaa 102 Muwaadin oo u badan arday kuwaa soo laga soo samata-bixiyay dagaalka ka socda dalka Sudan.
Muwaadiniintan oo safar dhulka ah kusoo gaaray ilaa xuduuda dalka koofurta Sudan la leedahay dalka Sudan, ayaa waxaa iska kaashaday samata-bixintooda safaaradda Soomaaliya ee dalka koofurta Sudan iyo jaaliyadda Soomaaliyeed ee dalka koofurta Sudan kuwaasoo bixinaya fududeenka qarashaadka muwaadiniintaas ku baxaya iyo deegaaneentooda.
Xoghayaha joogtada ah ee wasaaradda arrimaha dibadda Mudane Xamse Aadan Xaadow ayaa sheegay in meel gabagabo ah marayso muwaadiniintaas sidii dalka dib loogu soo celin lahaa oo lagu wado in diyaarad loo kireeyo, dhawaanna dalkeena lagu soo celin doonaan insha Allaah.
Muwaadiniintan Soomaaliyeed ayaa kasoo kala galay labo magaalo oo xudeedda ku kala yaala oo la kala yiraahdo Ranka iyo Baaluuj kuwaasoo ku yaala soodinta Sudan iyo koofurta Sudan kala qeybisa.
Dowladda Soomaaliya ayaa wata dadaalo lagu soo samata-bixinaayo muwaadiniin Soomaaliyeed uu ka xayirmay dagaalka Sudan ka socda
