Wasiiro, Xildhibaanno ka tirsan Dowladda Federaalka Soomaaliya, Guddoomiyaha Gobolka Banaadir Mudane Yuusuf Xuseen Madaale, Guddoomiye ku-xigeenka Amniga iyo siyaasada Maamulka Gobolka Banaadir, Saraakiisha Amniga, qaar kamid Maamulada Degmooyinka iyo qeybaha kala duwan ee bulshada ayaa xarunta Deegaanka Garasbaaley caawa uga qeyb galay barnaamijka Garanwaa oo uu horey u iclaamiyay Madaxweynaha JFS Mudane Xassan Sheekh Maxamud kaas oo la xariira ka hortagga dhagarta Khawaarijta.
Kulankan ayaa looga hadlay dhowr qodob oo ay kamid yihiin, horumarinta bilicda Caasimadda, xoojinta iskaashiga la dagaallanka Khawaarijta, ka hortaga halista Muqaadaraadka iyo ciribtirka kooxaha burcadka ah.
Wasiir ku-xigeenka Wasaaradda Warfaafinta, Dhaqanka iyo Dalxiiska ee Xukuumadda Federaalka Soomaaliya Mudane Cabdiraxmaan Yuusuf Sheekh Al-Cadaala ayaa ku booriyay ka qeyb galayaasha in si wadajir ah loo xoojiyo dagaalka ka dhanka ah Khawaarijta Al-Shabaab.
