Maxkamada darajada koowaad ee ciidanka qalabka sida qaybta 27aad ayaa dil ku xukuntay xidigle xoogga Maxamed Aadan Maxamed Isaaq (Kobra), oo ay xafiiska xeer ilaalintu ay ku eedeyasay in uu si kas ah u dilay Laba xidigle xoogga dalka Aadan Maxamed Xassan (Suufi).
Guddoomiyaha Maxkamadda Ciidamada Qalabka sida qeybta 27aad Maxamed Amiin ayaa sheegay in Dable xoogga dalka Maxamed Aadan Maxamed Isaaq (Kobra) oo ka katirsan Ururka 28aad guutada 10aad ee qeyta 27aad uu si bareera ah degmada Beled-Xaawo ee Gobolka Gedo uu ugu dilay taariikhdu markii ay aheyd 11/2/2022 Laba xidigle xoogga dalka Aadan Maxamed Xasan (Suufi).
Guddoomiyaha Maxkamadda Ciidamada Qalabka sida waxa uu sheegay in dable xoogga dalka Maxamed Aadan Maxamed Isaaq (kobra) lagu riday xukun dil toogasho ah oo ah qisaastii xidigle xoogga dalka Aadan Maxamed Xasan (Suufi).
