Munaasabaddaan ayaa waxaa Ka soo qeyb galay Wasiirra Katirsan Xukuumadda Fedraalka Soomaaliya Taliyaha Ciidanka Boliiska, Saraakiisha Hay’adaha Amniga, Maamulka Gobalka Banaadir, Guddoomiyayaasha Degmooyinka Gobolka, Kooxda Baanbeyda Boliiska, Fanaaniin , dadweyne aad u Tirabadan iyo Marti sharaf kale ayaa lagu qabtay Xarunta Degmada Yaqshid ee Magaalada Muqdisho.
Ujeedka Munaasabadda ayaa ahayd Sidii loo xoojin la haa wadashaqeynta ka dhaxeysa Bulshada iyo Laamaha Amniga islamarkaana loo horumarin la haa Adegyada Bulshada.
Qaar kamid ah Masuuliyinti Halkaasi kahadashay ayaa Tilmaamamay in Nabadda ay tahay Furaha Horumarka Dalka Dadka Soomaliyeedna looga Baahan yahay inay iskaashadaan.
Guddoomiyaha Degmada Yaaqshid Cismaan Maxamuud Cadaawe oo ugu horeyn Goobta ka hadlay ayaa sheegay in bulshada Soomaaliyeed uu ahmiyad gaar ah u leeyahay isdhaxgalka Bulshada.
Kusimaha Guddoomiyaha Gobalka Banaadir Ahna Gudoomiye kuxigeenka Siyaasadda Maxamed Axmed Diiriye waxa uu sheegay in Bulshada Soomaliyeed looga baahan yahay in ay la shaqeyaan laamaaha ammaanka Si looga Guuleysto Cadowga kasoo horjeyda Nabada iyo Horumarka Dalka.
Taliyaha Ciidanka Boliiska Soomaaliyeed Maxamed Sheekh Xasan Xaamud ayaa Dhankiisa bulshada Soomaaliyeed Ku bogaadiyay in ay Door Ka qaatan Dhismaha Saldhigyada Boliiska Dalka ee ku burburay Dagaaladi Dalka ka Dhacay Si loo helo Gooba loogu Adeego Bulshada.
Wasiirka Wasaaradda Amniga Gudaha ee Xuumadda Soomaaliya Mudane Cabdirisaq Cumar Maxamed oo munaasabadda ka hadlay ayaa Tilmamay in Dowladda Fedraalka Soomaliya ay Fursado u abuureyso Lana Cafinayo Dhallinyarada la qalday ee Katirsan Kooxda shabaab hadii ay Kooxdasi ka soo baxaan.
Wasiirka Wasaarada Arrimaha Gudaha iyo Fedraalka ee Dowlada Soomaliya Mudane Cabdiraxmaan Maxamed Xuseen ( Odowaa ) oo Gaba gabada Munaasadda goobta Ka hadlay ayaa Ciidamada qalabka Sida Ku amaanay Sida ay had iyo jeer ugu taagan yihiin naftoodana ay ugu Huraan Nabad Galyada iyo Horumarka Dalka iyo Dadka Soomaliyed.
