Mo Farah oo ah orodyahan Britain ah, asalkiisuna yahay Soomaali ayaa mar kale ku guuleystey billadda dahabka ah ee orodka 10,000m, isagoo intii uu tartanku socday kufay balse ka kacay oo ka hormaray orodyahanka Kenya ee Tanui.
Orodyahanka Mo Farah oo ah orodyahan ku guuleysta saddex billadood oo dahab ah, ayaa waxaa kufiyay orodyahan u dhashay dalka Maraykanka Galen Rupp oo ay isku macalinka yihiin.
Orodkii xalay ee Mo Farah ayaa noqday mid la yaab leh kadib markii uu Mo Faah safka ugu dambeeya uu ka soo cararay, islamarkaana uu xowli ku dhaafay dhamaan orodyahannadii kale, iyadoo safka hore ay ku jireen orodyahanno u dhashay dalalka Kenya iyo Ethiopia.
Mo Farah ayaa difaacday orodka 10,000m, isagoo sanadkii 2012 tartankii ciyaaraha Olimbikada ku guuleystay biladaha dahabka ee orodka 5,000 iyo 10,000 mitir.
