Ugu yaraan 4 ruux ayaa geeriyootay saddex kale waa ay ku dhaaeacmeen kadib markii gaari nuuca Nooh loo yaqaan la dhigay goob maqaaxi ah oo ku taala dhabarka dambe ee xarunta dowladda Hoose ee Xamar, taasi oo lagu magacaaho Al-Hindi.
Guddoomiyaha Degmada Xamar Weyne Cabdiqaadir Maxamed Cabdiqaadir oo la hadlay Radio Muqdisho ayaa sheegay in qarax ay ku geriyoodeen 4 ruux oo ay ku jiraan carruur iskuul ka timid, halka ay ku dhaawacmeen saddex kale, kuwaasi oo loola cararay gobaha caafimaadka.
“Gaariga qarxay waxa uu ahaa nooca Nooh loo yaqaan, waxaana uu isku qarxiyay maqaaxi ay dad shacab ah ka cuntaynayeen, waxa ay isu dhawyihiin xarunta dowladda Hoose, runtii aad ayaan uga xumahay dadka waxyeelada ka soo gaartay, Qaraxuna waxa uu ahaa mid ah gaari goobta la soo dhigay” ayuu yiri Cabdiqaadir Maxamed Cabdiqaadir.
Guddoomiyaha ayaa ugu baaqay shacabka degmada inay is dajiyaan oo ay la shaqeeyaan hay’adaha amniga, si looga hortago dhagarta ay maleegayaan argagixisada Al-Shabaab.
