Qiimaha dollarka Maraykanka ayaa suuqyada xorta ah ee Iiraan ka gaaray ilaa 42 kun oo lacagta Iiraan ah, taasi oo keentay in Qiimaha dahabka uu ku yimaado korar xoog leh.
Amar ka soo baxay Guddoomiyaha Bankiga dhexe ee Iiraan, ayaa lagu xerxeray 153 qof oo kamid ah iibiyayaasha lacagaha qalaad, kuwaasi oo lagu eedeeyay danbi ah khalkhal gelinta suuqyada Sarifka Lacagaha ee dalkaas Iiraan.
Hoos u dhacan ku yimid lacagta Iiraan ayaa sii xoojineysa dibad baxyada ka socda dalka Iiraan, waxayna taasi keentay in Dowladda ay qaadato talabooyin arrinkaas looga hortagaya.
Lacagaha Iiraan ayaa lagu kala iibsanayay halkii Dollar 32,000 oo Riyaal sanadkii 2015-kii, xilligaasi oo Dehraan, laga qaaday cunaqabatayneyno caalamiga ah, balse heshiiska ayaa burburay ka dib markii madaxweynihii hore ee Mareykanka Donald Trump uu ka baxay heshiiskaasi sanadkii 2018-kii.
