Ku simaha Ra’iisul Wasaaraha Ahna Ra’iisul Wasaare Ku xigeenka Xukuumadda Federaalka Soomaaliya Mudane Saalax Axmed Jaamac, ayaa maanta kormeer shaqo ku tagay Wasaaradaha Shaqada iyo Arrimaha Bulshada, Howlaha Guud, Dib U Dhiska iyo Guryeynta iyo Isgaarsiinta iyo Tiknoolajiyadda.
Ra’iisul Wasaare Ku xigeenka ayaa mid-mid u kormeeray xafiisyada Seddexda Wasaaradood, isagoo kulamo la yeeshay madaxda iyo shaqaalaha kana dhagaystay qorshahooda sannadka cusub. Sidoo kale ku bogaadiyey shaqada baaxadda leh ee ay Qaranka u hayaan, isaga oo kula dardaarmay shaqaalaha inay laba jibaaraan shaqada ay ummadda u hayaan.
Ra’iisul Wasaare Ku-Xigeenka ayaa indha-indhayn ku sameeyay shaqada socoto ee seddexda Wasaradood u xilsaaran yihiin,wuxuuna boggaadiyay siday wax u socdaan.
