R/wasaaraha Xukuumadda Federaalka Soomaaliya Mudane Xasan Cali Kheyrre ayaa maanta oo khamiis ah dhiggiisa Dalka Turgigaย Ben Ali Yildirim kulan kula qaatay Magaaladaย Ankara ee caasimadda dalka Turkiga.
Mudane Xasan Cali khayre iyo dhiggiisa Turkiga ayaa si wadajir ah Salaan Sharaf uga qaatay Cutubyo ka tirsan Ciidanka Turkiga, waxaana loo tumay astaanka Qaranka Labada Dowladood.
Related posts
Intaasi kaddib Raโiisal wasaaraha Soomaaliya Mudane Xasan Cali Kheyrre iyo Raโiisal wasaraaha Turkigaย Ben Ali Yildirim ayaa kulan saacado qaatay wada yeeshay,waxayna si qoto dheer uga wada hadleen Xiriirka labada dal iyo sida lagu xoojin doono.
Kulanka Labada Raโiisal wasaare ay yeesheen waxaa goob joog ka ahaa wasiirka Difaaca Turkiga iyo Xubno kale oo ka tirsan Dowladdaasi.
Sidoo kale, waxaa la filayaa in kulan labaad ay isugu yimaadaan Raโiisal wasaaraha Soomaaliya Mudane Xasan Cali Kheyre iyo dhiggiisa Turkigaย Ben Ali Yildirim,kaasoo oo ah kulan qado sharaf ah oo loo sameeyay wafdiga uu hogaaminayo Raโiisal wasaaraha Soomaaliya.
Qado sharafta kaddib ayaa Wafdiga Raโiisal wasaare Kheyre iyo madaxda Turkiga waxay si qoto dheer uga wada hadli doonaan xiriirka soo jireenka ah ee ka dhaxeeya Labada dal iyo sidii Dowladda Turkiga u kordhin lahayd taageerada ay siiso Soomaaliya iyo sidoo kale iney iska xog wareystaan horumarka Goboleed iyo kan caalamiga ahba.
Dhanka kale Mudane Xasan Cali Kheyre ayaa booqan doona dadkii ku dhaawacmay Qaraxii Soobe ee dhawaan loo qaaday dalka Turkiga.
