Ra’iisul-wasaaraha Xukuumadda mudne Cumar Cabdirashiid Cali ayaa maanta hortagaya mudaneyaasha baarlamaanka si uu ugu gudbiyo qorshaha xukuumadda oo faahfaahsan.
Guddiga joogtada ah ee baarlamaanka ayaa shalay shaaciyay in fadhiga 2aad ee kal-fadhiga 6aad ee baarlamaanka oo maanta dhacaya lagu dhagaysan doono qorshaha xukuumadda oo dhammaystiran. R/wasaare Cumar ayaa warbixin kooban oo ku saabsan qorshaha xukuumaddiisa u gudbiyay baarlamaanka markii ay kalasoonida siinayeen.
Xildhibaan Daahir Amiin Jeesoow oo warbaahinta la hadlay ayaa sheegay in baarlamaanku ay baahan yihiin qorshaha xukuumadda oo dhammaystiran si ay ugula xisaabtamaan.
