Ra’iisul wasaaraha Xukuumadda Fedaraalka Soomaaliya, mudane Xamse Cabdi Barre, ayaa Culimaa’udiinka Soomaaliyeed ugu baaqay inay door ka qaataan la dagaallanka musuq-maasuqa.
Mudane, Xamse Cabdi Barre, ayaa sheegay in dadka xilalka haya ay inta badan marin habaabiyaan dadka ehelka u ah, saaxiibbo iyo kuwo uu ku sheegay hantiilayaal, si aad iyaga ugu noqotid addoon ay ka samaystaan wixii ay rabaan.
Ra’iisul Wasaare Xamse Cabdi Barre oo ka hadlayay Shir sanaddeedka xeer ilaalinta oo shalay lagu qabtay Muqdisho ayaa intaa raaciyay in ay Culimadu ka wacyi geliyaan halista uu musuqu leeyahay.
“Culimada Sooomaaliyeed waxa looga bahan yahay in ay bulshadda ka wacyi galiyaan dabarka Musuq maasuqa “ ayuu yiri Ra’iisul Wasaare Xamse Cabdi Barre.
Ra’iisul Wasaaraha ayaa dadka mas’uuliyiinta ugu digay inay iska ilaaliyaan kuwa danaha gaarka ah leh ee doonaya inay xumaanta faraan kuna riixaan xaaraan iyo ku takrifal awoodeed.
