Ra’iisul wasaaraha Xukuumadda federaalka ee Soomaaliya Mudane Xasan Cali Kheyre, ayaa Maanta Xafiiskiisa ku qaabilay Fanaanadda Soomaaliyeed ee Hibo Maxamed Cudoon Hibo nuura oo dhowaan dalka dib-ugu-soo laabatay.
R/wasaare Kheyre, ayaa sheegay in ay dhiiri gelinayaan Fanaaniinta iyo Abwaanada Soomaaliyeed, isaggoo ku tilmaamay in ay yihiin hal doorka Qaranka.
“Hibo Maxamed (Hibo Nuura) iyo dhammaan Hoobaladii Qarankeena, waa halyeeyo mudan in looga mahed celiyo howlihii ay dalka u qabteen, Waxaana ku faraxsanahay in ay maanta xafiiska ay igu soo booqato” ayuu yiri R/wasaaraha Soomaaliya
Fanaanada Soomaaliyeed ee Hibo nuura, ayaa uga mahad celisay soo dhoweynta iyo marti qaadka ay ka heshay Xukuumadda Soomaaliya, iyaddoo xustay in ay ka qeyb qaadan doonto Wacyi gelinta Bulshadda Soomaaliyeed.
