Ra’iisal wasaaraha Soomaaliya Mudane Xasan Cali Kheyre oo khudbad ka jeedinayay Munaasabad soo dhoweeyn ah oo loogu sameeyay Howlka Jaamacadda Bariga Afrika ee magaalada Garoowe ayaa dhalinyarada Soomaaliyeed gaar ahaan dhalinyarada Puntland ugu baaqay iney ka shaqeeyaan Nabada iyo Minimada Ummadda Soomaaliyeed,maadama ay yihiin Xoogga iyo Maskaxda dalka.
“Maanta maadaama aan la hadleyno dhalinyarada Soomalaiyeed,waxaana rabaa inaan idin sheego dadka idinkaa ugu badan,idinkaa ugu maskax fiican,idinkaa ugu xoog weyn,waxaana dooneynaa marka iney dhalinyaradu ay noqdaan tabliiqa cusub ee Nabada iyo Dowladnimada” Ayuu yiri Ra’iisal wasaare Kheyre.
Sidoo kale,Ra’iisal wasaare Kheyre ayaa ku cel celiyay iney muhiim tahay in dhalinyarada fahmaan sida keliya ee dalka dhibka uga bixi karo ay tahay iney dhalinyarada noqdaan indhaha keliya ee dalka uu wax ku arko.
Sidoo kale,Mudane Xasan Cali Kheyre,Ra’iisal wasaaraha Soomaaliya ayaa ku booriyay dhalinyarada Soomalaiyeed iney gacmaha isqabsadaan,islamarkaana ka shaqeeyaan sidii mustaqbalkooda iyo kan wadanka u hagaagi lahaa.
Ugu danbeyntii,Ra’iisal wasaaraha Soomaaliya ayaa si gaar ah dhalinyarada Puntland uga mahad celiyay sida wanaagsan ee isaga iyo Wafdigiisa ugu soo dhoweeyeen magaalada Garowe oo uu shalay gaaray.
