Safaaradda Soomaaliyeed ee K/Afrika ayaa kulan u qabatay Ardayda Soomaaliyeed ee dalkaasi,waxaana kasoo qeybgalay Madax ka socotay Jaamacadaha UNISA,Vaal iyo Jaamacadda Johannesburg, Wasaaradaha Waxbarashada hoose iyo sare iyo Hay’adaha taageera Waxbasharada iyo Dhallaanka ku dhashay dalkaan kana qalanjibayay Dugsiyada Sare iyo kuwa laga keenay Soomaaliya oo ka helay K/Afrika Deeq Waxbarasho.
Madaxda ka socotay qaar ka mid ah Jaamacadaha K/Afrika oo ka jeediyay kulanka lagu qabtay Xarunta Safaaradda waxa ay xuseen xiriirka ay labada dal ee dhanka Waxbarashada inuu yahay mid wanaagsan,waxaa sanadkii tagay Soomaaliya ku deeqday Jaamacada ku taalla Pretoria in kabadan sodon kun oo buugaag ah.
Sidoo kale Kulankan ayaa lagu dhiiragaliyay Ardada dhameysay Dusiga Sare inay ka miro dhaliyaan dadaalkooda,kulankan ay Sanad walba Safaaradda u qabato Ardayda Soomaalida ayaa ka hadlay Ardada qaarkood waxeyna ugu mahadceliyeen doorka ay Safaaraddu ka qaadato isku xirka Ardada iyo Jaamacadaha.
Danjire Maxamed Cali Mire oo isna ka hadlay ayaa ugu mahadceliyay Dowladda K/Afrika garab istaagga iyo xiriirka wanaagsan ay la leeyahay Dowladda Soomaaliya.
Uqeybasanaha Waxbarashada Cabdi Xalane Xirsi oo Xafiiskiisa qabtay kulankan ayaa sheegay in kulan uu yahay mid lagu dhiiragalinayo Ardada Soomaalida.
Safaaradda Soomaaliya ee K/Afrika ayaa waddo dadaalo ay dib ugu soo nooleynayso xiriirada Jaaliyadda iyo Dowladda k/Afrika kadib cudurka Covid19- oo hakad ku yimid shaqooyinka Safaaradda.
