RADIO MUQDISHIO: Safiirka Dowladda Soomaaliya u fadhin doona dalalka Scandanevian-ka Danjire Cabdikariim Axmed Maxamed ayaa warqadihiisa aqoonsiga waxaa ka guddoomay Boqorka Wadanka Sweden.
Danjire Cabdikariim ayaa intii uusan la kulmil boqorka dalkaasi ka hor,waxaa loo garaacay muusigga astaanta Qarankeeenna, isagoo sidoo kale cutubyo ka tirsan ciidamada dalkaasi Sweden salaan ka guddoomay.
Safiirka ayaa bogaadiyay sida diirran ee ay boqorka Sweden ugu soo dhaweeyay dalkiisa, taasoo uu uga mahadceliyay boqorka dalka Sweden. Hadal kooban oo uu ka jeediyay goobta munaasabadda ayaa uu ka sheegay in uu wanaajin doono xidhiidhka Sweden iyo dalalka dhaca Scandanevian-ka iyo Soomaaliya.
Ugu dambeyn waxaa uu sheegay Danjire Cabdikariim Axmed Maxamed, in safaaraddu bulshada Soomaaliyeed ay ka haqabtiri doonto baahiyahooda,waajibkeedana u gudan doonto si sharciga waafaqsan.
