La-taliyaha arrimaha Ciidanka Xoogga dalka ee Madaxweynaha Jamhuuriyadda Federaalka Soomaaliya Sarreeye Guud Bashiir Maxamed Jaamac (Bashiir Goobe) ayaa Hambalyo u diray Hay’adda Sirdoonka iyo Nabad sugida Qaranka Soomaaliyeed ee NISA oo Caawa u dabaal dagaya Xuska Sanadguuraddii 48aad ee kasoo wareegtay markii la aas-aasay Hay’addaasi oo ku beegan sanadkii 1970-kii.
“Waxaan Hambalyo Leeyahay Hay’adda Sirdoonka iyo Nabad sugida Qaranka Soomaaliyeed oo u dabaal dagaya Xuska Sanad guuraddii 48aad ee kasoo wareegtay markii la aas-aasay sanadkii 1970, Howsha adage e Qaranka aad u heysaan Alle ha idinla garab galo” ayuu yiri S/guud Bashiir Goobe.
Hay’adda Sirdoonka iyo Nabad sugida Qaranka Soomaaliyeed ee NISA, ayaa kamid ah Ciidammada qalabka sida ee Soomaaliyeed, waxaana lagu xasuustaa in ay ku guuleystay soo afjarida dhacdooyin dhowr ah oo lagu dabar goynayo Maleeshiyada Al-Shabaab ee laga itaalka roonaaday.
SONNA
