Kulankan oo ay soo qaban qaabiyeen haween Soomaaliyeed ayaa looga hadlay sidii bulshada kasoo jeeda deegaankaasi ay qeyb uga qaadan lahaayeen dardar gelinta maamul u sameynta gobollada dhexe oo meel wanaagsan mareysa waxaana kaqeybgalay mas,uuliyiin ka socotay qeybaha bulshada.
Kulan ayaa waxaa mas,uuliyiintii ka hadashay ay muujiyeen sida loogu baahanyahay maamul ay yeeshaan gobollada Mudug iyo Galguduud si horumarin loogu sameeyo deegaanka islamarkaana ay qeyb uga noqdaan nidaamka federaaleyta ee dalka lagu baahinayo.
Related posts
Gudoomiyaha ururka haweenka Qaranka Soomaaliyeed Batuulo Sheekh Axmed Gaballe oo munaasabadda ka hadashay ayaa sheegtay in gobollada dhexe ay yihiin gobollada mudan inay qeyb ka noqodaan maamul goboleedyada kajira dalka iyadoo ugu baaqday dadka kasoo jeeda deegaanadaasi inay u guntadaan sidii maamulkaasi cagihiisa isugu taagi lahaa.
Gudoomiyihii hore ee degmada X.jajab Maxamed Cali Axmed oo hadal ka jeediyay munaasabadda ayaa ku amaanay dowladda federaalka sida wanaagsan ee ay u qorsheyneyso maamulka halkaasi loo dhisayo gaar ahaan mas,uuiyiintii abaabulay shirka gogol dhiga u ah shiraraka soo socda ee dib u heshiisiinta isagoo si gaar ah u tilmaamay xildhibaan Jawaahir Axmed Cilmi oo kasoo sooshqeysay in degmada Dhuusamareeb ay marti geliso shirka dib u heshiisiita.
Dhinaca kale gudoomiye Maxamed Cali Axmed ayaa ugu baaqay gudiga maamul u sameynta gobollada dhexe inay deg deg u tagaan degmada Cadaado ee gobolka Galguduud si uu uga furmo shirka maamul u sameynta ee ay dowladdu iclaamisay.
