23kii October 2009kii ayey aheyd markii dib loo howlgeliyey Radio Muqdisho Codka Jamhuuriyadda Soomaaliya ayadoo dib u howlgelintaasina lagu bilaabay idaacad FM ah markii dambena waxaa xiliba xiliga ka dambeeya la hormarinayey siyaabaha ay bulshada Soomaaliyeed ku dhageystaan Radio Muqdisho.
Barnaamijkan gaarka ah oo ku saabsan wixii ka dambeeyey Seddex sano kadib markii dib loo howlgeliyey Radio Muqdisho maxuu bulshada kusoo kordhiyey? maxuuse ka bedelay wacyigii bulshada? kaalin intee le’egse ayuu Radio Muqdisho ku lahaa in dalka laga xoreeyo maleeshiyada argigixisada ah ee Al-Qaeda?
Barnaamijka waxaa si gaar ah loogu eegayaa marxaladihii kala duwanaa ee uu Radio Muqdisho soo maray mudadii ka dambeysay dib u howlgelintiisa,waxaana ka qeybgalaya maamulka Warbaahinta Qaranka, Maamullada idaacadaha madaxa banaan ee Muqdisho qaarkood oo iyagu tilmaamay in Radio Muqdisho markii dib loo howlgeliyey uu horseeday in meesha ay ka baxdo cabursanaantii xaga fikirka, taliyaha Ciidammada Xoogga Dalka Soomaaliyeed iyo Wasiirkii hore ee Gaashaandhigga oo iyaguna ka hadlaya kaalinta Radio Muqdisho ee xoreynta Dalka iyo sidoo kale qaar ka mid ah dadkii ugu horeeyey ee iyagu ku dhiiraday inay ka hadlaan Radio Muqdisho xili ay cabursanaan iyo cabsi xoogan jirtay.
Halkaan Hoose Ka Dhageyso Barnaamijka Oo Laba Qeybood Ah.
Riix Halkaan Si Aad U Dhageysato Qeybta Koobaad Ee Barnaamijkan Gaarka Ah Ee Radio Muqdisho
Riix Halkaan Si Aad U Dhageysato Qeybta Labaad Ee Barnaamijkan Gaarka Ah Ee Radio Muqdisho
