Senator Xasan Iidow Maxamed (Kobac) oo ka mid ah Senatarada Golaha Aqalka Sare ee BJFS ayaa maanta deegaannada Maroodile iyo Bar-Fiiqi gaarsiiyay gargaar biyo dhaamin ah, taasoo uu uga jawaabayay xaaladda biyo laโaanta ee ka taagan magaalada Farlibaax iyo deegaannada hoostaga.
Dhallinyarada iyo culimada uga wakiilka ah Senator-ka howlaha loogu gurmanayo qoysaska biyo la’aanta ah ayaa gaarsiiyay halkii loogu talagalay, iyadoo shacabku ay ka mahadceliyeen.
Senator Xasan Iidow Maxamed (Kobac) oo la hadlay Radio Muqdisho ayaa xusay in Degmada Farlibaax iyo deegaannada ku xeeran ay xilligan ka jirto biyo la’aan baahsan, islamarkaana aysan ku filneyn biyaha hadda loo shubayo.
Senetar ka ayaa tilmaamay inay jiraan Hayโado kala duwan oo uu ksla hadlay wax ka qabashada xaaladaha beniโaadannimo ee ka jirta Farlibaax.
“Waxaan markale cod dheer ugu baaqayaa Hayโadaha samafalka iyo bulshada Soomaaliyeed inay u gurmadaan walaalahood ku dhibaateysan degmada Farlibaax ee Gobolka Hiiraan”.ayuu yiri Senator Xasan Kobac.
Maalintii 3aad ayuu Senator Xasan Iidow Maxamed (Kobac) deegaannada Maroodile iyo Bar-Fiiqi gaarsiiyay biyo, mana jirto cidkale oo gurmatay bulshada halkaas ku dhaqan.
