Kulankan lagu soo dhwaynayey wasiirka warfaafinta Hidaha iyo Dalxiis mudane Mustaf Sheekh Cali Dhuxulow iyo wasiirku xigeenka wasaradda mudane Cabdulaahi Colaad Rooble oo ay soo qaban qaabiyey mamulka warbaahinta Qaranka ayaa maanta lagu qabtay xarunta wasaradda Warfaafinta magaalada Muqdisho , waxaana ka qeyb galay wasiirka iyo ku xigeenka wasaradda Warfaafinta Hidaha iyo Dalxiisa xukuumada Soomaaliya agaasime waaxeedyada Wasaradda iyo qaar kamid ah shaqaalaha wasaaarddaa .
Kulankaas ayaa intii uu socday waxaa amaan loo jeediyay Wasiirka iyo ku xigeenkiisa taas oo aheyd shaqadii wanaagsaneyd ee kala dhexeysa shaqaalaha Wasaaradda Warfaafinta Hidaha iyo Dalxiiska.
Cabdi Xaaji Goobdoon oo ah khabiir saxaafadeed ahna lataliyaha xafiiska Ra’iisal wasaraha dalka dhanka warbaabhinta oo kulankaasi ka hadalay ayaa sheegay in Wasaaradda Warfaafinta ay ahmiyad balaaran u leedahay shacabka Soomaaliyeed.
Agaasimaha Radio Muqdisho Cabdiraxiim Ciise Caddow ayaa sheegay in ay aad ugu faraxsanyihiin dib u soo magacaabidda Wasiirka iyo ku xigeenkiisa.
Agaasimaha warbaahinta Qaranka Cabdiraxmaan Yusuuf Sheekh Al-cadaala oo hadalay kulanka lagu soo dhawanayey wasiirka iyo wasiir ku xgeenka wasaradda Warfaafinta ,Hidaha iyo Dalxiiska ayaa tilmaamay in ay tahay caqabad wayne in wasiir cusub oo an wax badan kalasocon shaqadii horay u socotay loo soo magacaabo wasaaradda isla markaana ay tahay wax lagu farxo in dib mar kale loogu soo magacaabo wasiir Mustaf iyo wasiir ku xigeen Rooble.
Agaasimaha guud ee wasaardda Warfaafinta mudane Cabdirisaaq Cali Yusuuf ayaa badalan qaday in si dhab ah ay ula shaqayn doonaan wasiirka iyo wasiir ku xigeenka.
Mudane Cabdulahi Colaad Rooble Wasiirka xigeenka Wasaarada Warfaafinta Hidaha iyo Dalxiisa oo hadal kooban ka jeediyey kulanka ayaa mamulka warbaahinta qaranka kaga mahad celiyey soo dhawanta ay u sameyen.
Wasiirka Wasaaradda Warfaafinta Hidaha iyo Dalxiiska Xukuumada Soomaaliya mudane Mustaf Sheekh Cali Dhuxulow oo ka hadalay kulanka ayaa shaqaalaha wasaradda ku amaamay howsha adag ay bulshadda u hayaan isagoona tilmaamay in ay Wasaradda sanadkii la soo dhaafey noqotey Wasaaradda ugu shaqada badan.
